Synod HSS Diamond Jubilee Run

Synod Higher Secon­dary School chuan an sikul diamond jubilee lawm nan nimin zing khan Jubilee Run an buatsaih a, School Education minister Lalchhandama Ralte-in Jubilee Run-a tel zirlai 1,365-te a vailiam.

Diamond Jubilee Run vailiamna inkhawm hi Synod HSS principal Zirkungi Chhakchhuakin a kaihruai a; Education Minister chuan, Synod HSS chu Mizorama sikul ṭha, kohhran leh khawtlang ang pawha mi ropui leh hlawhtling tak tak chher chhuak tawhtu a nih thu a sawi a, zirlaite chu tumruhna leh tih tak zetna nei turin a fuih.

Synod HSS hian an diamond jubilee pualin September 15&16 khan thisen unit 207 an pe tawh a, charity an siam aṭangin TNT hnenah Rs 80,250, buhfai ip 11 leh dailuah ip khat an pe tawh. Jubilee lawmna pui ber chu October 13, 2022-ah an buatsaih dawn a ni.