Heroin leh kuhva rah man

Serchhip Police-a District Special Branch (DSB) chuan September 27, 2022 zan khan New Serchhipah heroin gram 63.49 leh a neitua puh Thangzuala (45) bakah, a nupui Sangkhumi leh an fapa Lalnunthara (20), Champhai Electric Vengte an man. Heroin hi international market-ah cheng nuai 30 man a ni.

North Vanlaiphai Police-te pawhin September 28, Nilaini zan khan Champhai aṭanga tlan truck pali aṭangin dan loa lak luh kuhva quintal 99 (kg. 9,900) leh a neitua puh F Lalthanliana (43) s/o Zahleihbila, Champhai an man. Kuhva rah hi Rs 3,91,200 man a ni a, Lungleia Custom department hnenah an hlan a ni.