Lirthei khu endik hun ṭan hma turin MCU-in an ngen

Mizoram Consumers' Union (MCU) chuan thuchhuah siamin, lirthei khu endikna hmun siam belh tur leh endik hun ṭan hma turin sorkara thuneitute an ngen.

MCU chuan, pollution test turin zing dar 4 vel aṭanga intlar an awm ṭhin laiin, chawhma dar 10-ah chauh test counter an hawng ṭhin nia an hriat thu an tarlang a, "Hei hian test duh mi tam tak tan phurrit nasa tak a thlen ṭhin avangin pawi kan tiin, ṭha lo kan ti hle mai. Lirthei khû endik duhte'n an endik zung zung theih nan test counter hi zing karah pawh hawn ni se, counter tam zawk siam ni se tiin thuneitute kan ngen a ni," an ti.

Lirthei, Bharat Stage 4 leh 6-te chu pollution test ve tawh loh ni se an duh thu leh two wheeler leh four wheeler, kum thum la tling lote chu pollution test tawh loh ni se an duh thu MCU chuan an tarlang bawk.