MNYF-te UDPA pisaah an kal

MNF ṭhalaite chu nimin khan an vice president Lalremruata Chhangte hoin Urban Development & Poverty Alleviation (UDPA) directorate-ah an kal a; All Mizoram Skill Training Center Asso­ciation (AMSTCA) hnuaia skill training center ṭhenkhatte'n kum 2015-16 chhunga district hrang hranga hna an thawh hlawh an la lak loh chu October 2017 chhung ngeia pe turin an phût.

AMSTCA hnuaia skill training center ṭhenkhatin kum 2015-16 chhunga dis­trict hrang hranga hna an thawh hlawh lak tun thlengin an la la lo nia sawi chungchangah MNYF-te chuan nimin khan nodal department, UDPA Director leh thawktu dangte an sawipui a ni. Oct 2017 chhunga hlawh pek an nih loh chuan hma an lak zel tur thu an tarlang.