Tlabung maxicab an tlân ṭan dawn Lunglei-Aizawl maxicab an tlân lo

Lunglei-Tlabung kawng chhiah vanga Tlabung leh a chhehvela maxicab-te September 25, 2017 aṭanga an tlân loh chu nimin khan tih­tawp a ni a, vawiin aṭang­in an tlan leh ṭan dawn.

Lunglei to Tlabung Maxicab Welfare hruai­tute chuan, kawng chhiat vanga September 25 aṭanga ni li chhung an tlan loh tawh an tihtawp chhan chu, PWD National Highway Division-IV, Lunglei-in kawng siam hna chak taka an thawh vang a ni tih an tarlang a; vawiin aṭangin an service chhunzawm leh dawn tih an puang nghal.

Hetih lai hian, Lunglei leh Aizawl inkara maxi­cab service-te chu State Transport Authority (STA) rate siam duh loin an service duh lo mek a; mipui harsatna zualpui zutkian nan sorkarin vawiin aṭangin Lunglei leh Aizawl inkarah MST bus a tlantir dawn nia thu dawn a ni.