RSBY-ah Mizoram a ti ṭha ber

29th September, 2017

Mizoram sorkar chuan thuchhuah siamin, Rashtriya Swasthya Bima Yojana (RSBY) kalpuina kawngah hmarchhak state zingah Mizoram chu a ti ṭha ber a nih thu a tarlang.

Sorkar thuchhuah tarlan danin, RSBY hmang hian Mizoram sorkar chuan Mizorama BPL awm zinga 80% a tuam a, Mizoram hnaih bertu Tripura chuan 62.64% a tuam. RSBY hmang hian benefeciary-te'n damdawi-ina an awmin, awm man chawi ngai loin Rs. 30,000 man thleng smart card hmangin enkawlna an dawng thei a ni.