Jail tángte zir tur tlangzarh

Prison minister R Lal­zirliana chuan nimin khan Central Jail-ah Set Free Ministries, India buatsaih, jail chhunga Pathian thu zirna atana siam zirlaibu, ‘Nun kawng dik’ a tlangzarh.

R Lalzirliana chuan, jail tángte'n kawng dik an zawh theihna atana Set free Ministries-in zirlaibu an buatsaih chu lawmawm a tih thu a sawi a, "Mite tana malsawmna nih hi kan tum ber tur a ni," a ti. Jail tángte chu jail chu inhremna ni loin, nun siamṭhatna atana hman theih a nih thu hrilhin, 'Nun kawng dik’ zirlaibu chu ngun taka zir turin leh hun lo kal turah an chhungte leh khawtlang tana mi ṭangkai nih tum turin a fuih.

Zirlaibu hi bung sarih­ah ṭhen a ni a, thla thum zir tura buatsaih niin, thla thum ral hnuah exam buatsaih a ni ang.