Chief minister-hoin NEDP hnuaia hmalaknate sawiho

New Economic Development Policy (NEDP) Core Committee chu September 27, Nilaini tlai khan chief minister Lal Thanhawla hoin Cabinet Room-ah an ṭhukhawm a; NEPD hnuaia hmalakna kal mek chungchang, hma­chhawpte leh hmalak zel dan turte an sawiho.

Meeting-ah hian, NEPD hmalaknate mipui nen sawiho leh mipui hnena zau zawka puanzar dan tur te; public finance management, land reform, administrative reform, skills development, power sector feform leh State Referral Hospital tihchangtlun chungchang te; NABARD loan project-te leh NEDP suih zawma project-te a pawimawh dan indawta rem tumna chungchangte sawiho a ni.

Meeting-ah hian minister paruk - R Lalzir­liana, Lalsawta, H Rohluna, Zodintluang­a, PC Lalthanliana leh Lal Thanzara, Planning Board vice chairman H Liansailova, Finance secretary Lalmalsawma leh Planning secretary Dr C Vanlalramsanga te an tel.