Tlabungah computer zirna hawn a ni

159 Border Security Force (BSF)-in Civic Action Proramme hnuaia Tlabung­a computer zirna an din chu, nimin khan 159 BSF commandant Col. LS Dahiya-a'n a hawng a; zirna in thlan chhuahte hnenah tui in tur dahna leh infiamna hmanraw chi hrang hrang a sem nghal.

159 BSF Commdandant hian Tlabung Chawnpui Veng tan indoor stadium-a dah tur table tennis board a pe a; Tlabung Higher Secondary School, Tlabung High School, Synod Home Mission School leh Baptist Mission School tan tui in tur dahna leh infiamna hmanraw chi hrang hrang a hlan bawk.