VIP culture tihbo kan tum - Lalduhoma

ZNP president Lal­duhoma chuan, Zoram Peoples’ Movement (ZPM) - Ṭangrual Pawl an sorkar chuan VIP culture tihbo an tum thu leh ZPM chu Congress thlâk châk tawh, MNF la iai bawk si kalna tur a ni tih a sawi.

Nimina ZNP pisaa inkhawmah Lalduhoma chuan, "ZPM kan sorkar chuan Baburaj (VIP culture) hi tihbo kan tum dawn," a ti a; Lengpui Airport-a inthliarna awm mek a ngaihmawh thu sawiin, “Lengpui Airport-ah a hulhliap thlenga tlan thei chu VIP chauh an ni a, mipuite chu damlo pawh ni se, ruahsur lai pawhin hulhliapah tlan luh ve phal a ni lo. Hetiang hi India ram hmun dangah a awm kan hre lo," a ti.

Lalduhoma chuan, ṭangrual pawl chuan Mizo culture tun nun leh an tum thu sawiin, “Engkima VIP leh mipui inkara kak awm reng mai hi kan nuai­bo dawn a, VIP quota engkim maia awmte hi lepse a hun tawh. Minister zin kan hmuak luai luai ṭhinte hi ZPM chuan nuai reh kan tum dawn a ni,” a ti a; ZPM chu Congress thlâk châk tawh, MNF la iai bawk si kalna tur báwm a ni tih a sawi a ni.