Dortmund hmaah Cologne

Bundesliga-ah champion lai Bayern Munich-in an che ṭha lo a, inelna a nung sawt. Bavarians elpui tur zinga mi Borussia Dortmund chuan zanin dar 7:00 hian FC Cologne an lenchilh dawn.

November thlaah FIFA World Cup khelh a nih dawn avangin fixtures a hautak chho ṭan a, coach Edin Terzic leh a hote tan pawh fiahna ṭha tak a ni thei ang. Dortmund hian Cologne aṭangin Salih Ozcan leh Anthony Modeste te an lalut a, RheinEnergieStadion-ah Ozcan leh Modeste ten lawm an hlawh kher a rinawm loh.

Dortmund hian Marco Reus, Gio Reyna, Gregor Kobel, Sebastien Haller, Mahmoud Dahoud, Jamie Bynoe-Gittens leh Mateu Morey te an chhawr thei dawn lo a, Ozcan pawh hi a dinhmun a chiang lo. Cologne pawhin inhliam nei bawk mah se Mark Uth a rawn let dawn a, Dortmund tlarhnung tan ven uluk a ṭul dawn a ni.

Bundesliga-ah hian tun dinhmuna hmahruaitu erawh Union Berlin an ni a, match sarih an khelh tawh aṭangin chak loh an la nei lo. Zanin dar 7:00 hian Union Berlian hian Eintracht Frankfurt an tlawh ang.