Aizawlah lirthei intlan chhâwk ṭan dawn

October 2017 chhung hian mimal leh sorkar lirthei zawng zawngte intlan chhâwk kalpui ṭan a ni dawn. Lirtheite chu an registration number-a digit tawp ber number ang zelin an ding ṭhin ang.

Lirthei intlan chhâwk hi Aizawl khawpui tâwt lutuk tihziaawmna a nih beiseia kalpui tur a ni a, October thla chhung enchhin phawt a ni ang. Hemi atan hian Mizoram sorkar chuan August 22, 2017 khan nottification a tichhuak. Coordination Committee on Traffic Management chuan September 5, 2017 khan lirthei intlan chhâwk hi October thla chhunga enchhin phawt an rêl a ni.

Lirthei intlan chhâwk hian a huam lohte chu - city bus, bazar bus, maxi­cab, auto-rickshaw, institution/depart­ment bus, two wheeler taxi, taxi (an intlan chhâwk dan pangngaiin an kal ang), police motor duty, Excise & Narcotics motor, damdawi-ina duty te, ambulance/morgue van, execu­tive magistrate, law & order duty, media mite (MJA sticker tárte chauh), PHE emergency duty, PHE tui sem, bawnghnute sem, chanchinbu sem, AMC bawlhhlawh paih, sipai leh para military force, department despatch rider, Governor, CM leh Speaker car (an carcade tiamin)-te a ni.

Lirthei din ni tur
Number Din ni
1-a tawpte 1, 11, 21 & 31
2-a tawpte 2, 12 & 22
3-a tawpte 3, 13 & 23
4-a tawpte 4, 14 & 24
5-a tawpte 5, 15 & 25
6-a tawpte 6, 16 & 26
7-a tawpte 7, 17 & 27
8-a tawpte 8, 18 & 28
9-a tawpte 9, 19 & 29
0-a tawpte 10, 20 & 30