Dussera hlim taka hman a ni

Ram chhung hmun dang rualin Mizoramah pawh Hindu-te'n Inrinni khan Dussera, Vijaya Dashmi tia hriat bawk chu hlim takin an hmang. He ni hi ṭhatnain sual a ngamna ní a ni a, pathiannu, Durga-in Ravana (diabola) a hnehna ní a ni.

Vijaya Dashmi hi Ai­zawla mandir hrang hrang - Babutlang, Bawngkawn, Khatla, Zotlang, Govt. Complex bakah, Bualpui, Lunglei, Siaha, Tlabung leh Chawngteahte hman a ni. Dussera hmangtute hian khawvel pumah rem­na leh muanna a awm theihna tur te, Mizoramah remna, muanna leh hma­sawn­na a awm theihna turtein an ṭawngṭai a ni.

Inrinni tlai kha pathian­nu Durga lim tuia thlak hun a ni a; Assam Rifles leh Aizawla Gorkha-te chuan Tuirialah Durga lim an thlak a, Hindustan Club chuan Sairangah an thlâk thung.