Citizenship (Ammendment) Bill hal

Mizoram Chhantu Pawl chuan, sorkar lai­pui­in Citizenship (Ammend­­ment) Bill, 2016 Par­lia­ment-a pass a tum an duh lohzia lantirna atan nimin khan bill copy Chakma House bulah an hâl.

Mizoram Chhantu Pawl president C Ramher­liana chuan, Citizenship (Ammend­ment) Bill, 2016 an hâl chhan sawiin, "Zo hnahthlak zawng zawngte tan a him loh vang a ni. Kan pawl hi political party ṭan lam nei lo, ram leh hnam himna atana din a ni," a ti.

C Ramherliana chuan, Mizoramah Chakma-te'n chanvo neih ve an tum chu an duh loh thu sawiin, "An chawr chhuahna ramah kîr thuai turin kan duh a ni," a ti a; ram leh hnam himna atana an thil tih chu sorkar laipui leh Mizoram sorkarin dodal lo se an duh thu an sawi.