Mizoramah harsatna lian tham a thlenin YMA tel loin a kal theih loh - Zodintluanga

Minister Zodintluanga chuan September 30, Inrinnia a biala Lungsen North Branch YMA-in an din champha vawi 80-na an lawmna a hmanpui a; Mizoramah harsatna lian tham a thlenin YMA tel loin a kal theih loh thu a sawi.

YMA chu ram leh hnam kalna engkima sûlsutu a nih thu sawi­in Zodintluanga chuan, "YMA vangin Mizo­ramah khaw nuam leh veng nuam, chenna tlak a awm theih phah a. Harsatna lian tham a thlenin YMA tel loin a kal theih loh. YMA inkaihhruaina avangin vawiin thleng thei kan ni," a ti.

Zodintluanga chuan, YMA hruaitu hlun chawi­mawina a dawn ve tawh thu sawiin, "YMA kaltlanga ram leh khawtlang tana hun rei tak rawng ka bawl ve tawh hnuin rawngbawlna zau zawk nei turin ke ka pên ve zel a ni," a ti a; a kalna apiangah YMA inkaihhruainain a hruai zel thu a sawi.

Minister Zodintluanga hian Lungsen YMA hruai­tute chu huaisen taka hma la zel tura a fuih a; an hall siamṭhatna atan cheng nuai 20 dah a nih tur thu a puang.

Lungsen North Branch YMA din cham­pha lawmna hi an presi­dent J Dengkunga'n a kai­hruai a, YMA sub-head­quarters Lunglei presi­dent R Lalnunthara pawhin a hmanpui a ni.