Mahatma Gandhi limah hriatrengna leh zahna pangpar dah

Nimin October 2 kha India hnampa Mahatma Gandhi pian champha vawi 153-na a nih angin, zing dar 7:30-ah Mizoram sorkara hotute'n Aizawla Mahatma Gandhi limah hriatrengna leh zahna pangpar an dah. Pangpar hi Governor Dr Hari Babu Kambhampati-a'n a dah hmasa ber a, chief minister Zoramthanga, deputy chief minister Tawnluia, minister dang te, MLA te, Chief Secretary, Director General of Police leh sorkar hotu dangte'n an dah ve leh a ni.