5G hawnnaah ICT Minister a tel

Prime minister Narendra Modi chuan October 1, Inrinnia New Delhi-a India Mobile Congress leh IT Ministers’ Conference neihnaah 5G Services a hawng. He hunah hian Information and Communications Technology (ICT) minister Robert Romawia Royte a tel a, Mizoramin internet leh telephone service ṭha a mamawh thu a sawi.

Robert Romawia Royte chuan, Mizoramin Telecom Infrastructure Policy a neih thar thu leh chu chuan nasa takin thawktute tan awlsamna a siam thu a sawi a, "Mizoram hi hmun kilkhawra awm a nih avangin kawngpui, railways leh air service-ah a hnufual rih a, hei vang hian internet leh telephone service ṭha kan mamawh zual a ni," a ti.

Ministry of Commu- nications leh Ministry of MEITY-a Mizoram project tangkhang mekte chu pe chhuak rang tura sorkar laipui hotute ngenin Robert Romawia chuan, "Social media-a mahni nihna thupa nasa taka hmansual a ni mek hi dan mumal tak siama khawng taka do a ṭul," a ti bawk.

Mizoram ICT Minister hi chief secretary Dr Renu Sharma leh senior informatic officer Vanlal-ringa ten an ṭawiawm a ni.