KHAWTHLIR

MP-in Taiwan palai a kâwm
Lok Sabha MP C Lalrosanga chuan September 30, 2022 khan Delhi-ah Taiwan ram palai Baushaun Ger chu a chenna inah a tlawh a, Mizoram thing leh mau aṭanga thil siamte leh lakhuihthei leh thei dangte thawn chhuah chungchang a sawipui. C Lalrosanga chuan, thawh dun theihna kawng dapin India sorkar leh Mizoram sorkar thuneitute a sawipui tur thu a sawi.Baushaun Ger chuan, Taiwan-ah India mi zirlai 3,000 vel an awm thu a sawi a; zirna leh eizawnna kawng thar siam theih a beisei thu leh semi-conductor siamna lamah thawhho theihna kawng a awm thute a sawi bawk.

MLA-in rângva sem
MLA Dr Vanlalthlana chuan October 1, Inrinni khan a bial chhunga Ramhlun South MHIP Hall-ah rangva a sem. Rangva hi sorkar aṭanga hmuh niin, chhungkaw 10 hnenah hlan a ni a, chhungkaw pakhat tan phêk 32 zel pek a ni.

Minister-in enfiah
Siaha bialtu MLA Dr K Beichhua, minister of state chuan October 1, 2022 zing khan Siaha khawpui chhunga hmasawnna hnathawh mekte tlawhkualin, thawktute nen harsatna an neihte a enfiah.