IASE Book Donation Drive hawng

Institute of Advanced Studies in Education (IASE) chuan September 30, 2022 khan an hmunah Book Donation Drive hawnna inkhawm an buatsaih a, IASE principal Prof. Lallianzuali Fanai-in a hawng. IASE zirtirtu leh zirlaite'n lehkhabu eng emaw zat an pe nghal.

Book Donation Drive hi Mizoram mipui, a bik takin ṭhalaite'n lehkha chhiar an uar thar nan leh lehkhabu ṭha hmanga Mizo ṭhalaite chher hriam tumna a ni a, October 2022 chhung kalpui a ni dawn. Ṭhangtharte thu leh hla lama an tui a, an thiamnate hâi chhuahsak tumna a ni bawk.

IASE Book Donation Drive-ah hian eng lehkhabu pawh thawh theih a ni a, lehkhabu an dawnte chu a petu uluk taka chhinchhiahin IASE Library-ah an dah dawn a ni.