Rs. 52,18,900 hù ruihhlo hâl

YMA branch 16 telna, Aizawl South Joint Operation-in kumin March 11 aṭanga June 4 thlenga ruihhlo chi hrang hrang an man chu September 30, Inrinni khan Zampuimanga lungphun bulah an hâl ral a, minister KS Thanga'n a hmanpui.

Ruihhlo hâlte hi heroin hawng 92, cane 232, chhinsen bûr 6 leh a chanve, Alprozelam strip 122, Tramadol strip 26, damdawi dang bûr 22 leh ganja fûn 15 a ni a; Rs. 52,18,900 vel hùa chhût a ni.

Aizawl South Joint Operation-ah hian Aizawl khawpui chhim lam veng - Tuikhuahtlang, Mission Veng, Mission Vengthlang, Model Veng, Thakthing, Damveng, Venghnuai, Salem Veng, Kulikawn, Tlangnuam, Saikhamakawn, Melthum leh South Hlimen-te an tel a ni.