PYD-in Social Work Day an hmang

UPC (NEI)-a ṭhalai pawl, Pentecostal Youth Department (PYD) chuan nimin khan Social Work Day an hmang a, hmun hrang hranga PYD member-te vantlang tan thil ṭha tiin an hnatlang.

Aizawlah chuan City PYD bultumin PYD member-te chu Aizawl Civil Hospital leh Lammual tifaiin an hna­tlang. Chawhma lamah Civil Hospital chhung leh páwn lam hmun hrang hrang an tifai a, chawhnu lamah Lammual tifaiin an hnatlang leh a ni. Hnatlangah hian

Aizawla pastor bial 15 leh Sihphir aṭangin PYD member 350 chuang an thawk chhuak.

Lungleiah chuan Ṭhuamluaia Mual leh a chhehvel tifaiin nilengin an hnatlang a; Ser­chhipah chuan zing karah Ser­chhip College pêng aṭanga Serchhip Bazar thleng kawngpui dung an tifai. Champhaiah chuan zing karah CHANEM leh a chhehvel an tifai a, Khawzawlah pawh Aizawl lam panna, Tuisen phaia kawngpui chhia thawm ṭhain an hnatlang a ni.

Thenzawl bial PYD-te chuan Thenzawl khaw chhunga vantlang kawngpui dung leh vantlang inthiarna hmunte tifaiin an hnatlang. Thenzawl damdawi-in Foor Fund-ah Rs. 2,000 an hlan bawk.

PYD-te hian Social Work Day hi kum 2000 aṭangin an hmang ṭan a ni.