Voluntary Blood Donation Day hman a ni

Mizoram State AIDS Control Society (MSACS) leh Association for Voluntary Blood Donation (AVBD) huaihawtin nimin khan Chanmari YMA Hall, Aizawlah National Voluntary Blood Donation Day hman a ni.

National Voluntary Blood Donation Day hi October 1 a ni a, kuminah chuan Inrinni a nih avangin October 3, Thawhṭanniah hman niin, thupui chu 'Donating b l o o d i s a n a c t o f solidarity. Join the eff ort and save lives' tih a ni.

NVBDD hmannaah hian MSACS hotute leh AVBD hruaitute bakah, Mizoram Institute of Comprehensive Education, Mount Carmel School leh Greenland Higher Secondary School zirlaite an tel.

MSACS project director Dr Lalthlengliani chuan thu sawiin, thisen pek a hlutzia a sawi a, "Thisen pek a hlu a, thisen pe thei nih a hlu a, thisen pe thei tura ṭan lak a pawimawh a, kan nunphungah invawn a ṭul," a ti.

Dr Lalthlengliani chuan, sorkar kum kal mekah Mizoram pumah thisen unit 15,244 pek a ni tawh tih sawiin, "Chu'ng zinga unit 14,176 chu a thlawna pek a ni a, voluntary donation percentage chu 93% a ni," a ti a; kum kal mekah blood donation camp ṭum 252 huaihawt a nih tawh thu leh chutah chuan thisen unit 10,012 pek a nih tawh thu a sawi.

HIV/AIDS chungchang sawiin MSACS Project Director chuan, " H I V- a h M i z o r a m dinhmun a ṭha lo. HIV hrik darh danah Mizoram hi India ramah a sang filawr a, kai thar an la awm zel a, a la darh zel tihna a ni. HIV kai thar tihtlem sorkar laipuiin a ngai pawimawh a, chuta tan chuan mi tin kan pawimawh a ni," a ti.

NVBDD hmannaah hian ZMC assistant professor Dr Sangzuala'n thisen pe tura nunphung hrisel chungchang a sawi a, MSACS joint director (IEC) Lalzuiliani'n HIV laka invên nan mipat h m e i c h h i a t n a l a m a fimkhur a ṭul dante a sawi. MSACS-a epidemiologist Dr CLR Hluna'n HIV/AIDS a sawifi ah a, C Lalbiakthanga, Dinthar Vengin ruihhlo tih loh a pawimawhzia a sawi bawk.