Fit India Freedom Run 3.0 neih a ni

Mizoram State Sports Council (MSSC) chuan nimin khan Aizawlah Fit India Freedom Run 3.0 an huaihawt a, Sports & Youth Services (SYS) minister Robert Romawia Royte-in a hawng. Minister chuan, naupangte leh infi amna lama tuite tan sorkarin kawng a hawn belh zel dawn a, a thlahthlam dawn lo tih a sawi.

Fit India Freedom Run-ah hian sports association hrang hrang, Grassroot Football Academy pakua, Non-Residential Coaching Centre hnuaia sport discipline panga, SAI Centre, USAM leh MSSC lam mite an tel. 

Zing dar 5:45-ah Sikulpuikawn leh Chan mari kâwn aṭanga tlan ṭanin, Lammual ah an intâwk khawm a ni. Sikul puikawnah SYS director K Lalrohlua'n a vailiam a, Chanmari kâwnah MSSC secretary John Tanpuia'n a vailiam. Kawngpui dunga bawlhhlawh an chhar fai nghal a ni.

SYS Minister chuan, Mizoramah ram chhung hmun dangte rualin kum 2019 khan Fit India Run hman ṭan a nih thu sawiin, "India ram chu taksa fit ṭha neih kawngah a harh thar a, nasa takin ṭan a la a, infiamna huangah pawh nasa taka hma lain, Mizoram pawhin a hlâwkna leh a hlawhtlinna kan infi ammite aṭangin kan hmu ṭan ta. Infi amnaa tuite tan sorkarin kawng a hawn belh zel dawn," a ti.

Taksa sawizawi chu nitin nunphungah behtir a ṭul thu sawiin Robert Romawia chuan, "Pathianin taksa min pek enkawl uluk hi kan
mawhphurhna a nih avangin taksa insawizawi hi a Pathian thu a ni," a ti a; taksa leh rilru hrisel nei tur leh Mizo hnam chu India rama fi t ber ni tura ṭan lak zel a pawimawh thu a sawi.