Covid-19 vei enkawl lai Mi 88 chiah an awm

October 2, Pathianni khan Mizoramah Covid-19 vei mi pali hmuh chhuah a ni a, kumin June 19-a mi pahnih hmuh a nih hnua hmuh tlem ber ní a ni. Nimin tlai khan hripui vei enkawl lai mi 88 chiah an awm tawh.

Pathiannia Covid-19 positive hmuh chhuahte chu Lunglei district-a mi pathum leh Saitual district-a mi pakhat an ni a; positivity rate chu 6.78% a ni. Nimin khan hripui vei dam tawh mi 38 chhuahtir an ni a, Covid-19 vanga thi an awm lo.

IDSP record angin, Mizoramah Covid-19 vei 2,38,462 hmuh chhuah a ni tawh a, nimin tlai dar 5 thlengin mi 2,37,651 (99.66%) chhuahtir an ni tawh a, mi 723 (0.30%) thi tawhin, enkawl mek mi 88 (0.03%) an awm.

Nimin tlai dinhmun angin, Siaha, Champhai leh Lawngtlai district-ah Covid-19 vei enkawl lai an awm tawh rih lo a; active case 10 aia tamna district pathum - Aizawl, Lunglei leh Mamit district a awm tawh a ni.