Mudra Promotion Campaign sawiho

Sorkar laipuiin mudra loan, financial inclusion scheme hrang hrang leh tangkafai hmang loa indawr tawnna (digital payment) tihlâr a tumna hmanrua, Mudra Promotion Campaign huaihawt dan tur nimin khan chief secretary Lalmalsawma hoin CS conference hall-ah sawiho a ni.

Mudra Promotion Campaign hi India ram pumah September 27, 2017 aṭanga October 17, 2017 chhunga kalpui turin a ruahman a ni. India ram chhung hmun 50-ah campaign neih a ni dawn a, mipuite digital payment hman dan zirtirna atan bakah, financial inclusion hnuaia insurance leh scheme dangte ṭangkai taka an hman theihna tura inhrilhriatna tura ruahman a ni.

Meeting chuan, Mizoramah chuan Mudra Promotion Campaign hi October 11-ah, Kulikawn YMA Hall-a neih a rêl a; bank leh insurance company-te'n stall an siam ang a, sorkar scheme hrang hrang - PMJJBY, PMSBY, APY, PMVVY-ah enrolment a tih theih dawn bakah, mudra loan leh SUPI loan a dil nghal theih dawn a ni.