Lungleiah National Wildlife Week hawng

October 1-7, 2017 chhunga hman tur, 63rd. National Wildlife Week 2017 chu Thawhlehni khan Lunglei College-ah Lunglei DC Lalzarmawii'n a hawng.

Lalzarmawii chuan, ramngaw leh nungchate humhalh kawngah mi tinin nasa taka ṭan an lak a ṭul tih sawiin, "Chhung­kaw tinah naupan têt aṭanga kan inzirtir a ṭul. Khawvel changkang zelah hmawsawnna hna hrang hrang kal mek avangin kan ramngaw kan tichereu chak lutuk a, hmasawnna tluantling leh ngêlnghet zawk kan neih theih nan nungcha humhalh kan ngai pawimawh tel tur a ni," a ti.

Lunglei district-a kângmei ven kawnga V/C thawk ṭha thlan chhuah 15 hnenah thu­chei leh Rs. 2,000 ṭheuh hlan a ni a; nungcha humhalh kawnga thawk ṭha leh entawntlak mi pathum - Lalchhan­hima Chongthu, Lalthan­zama Hauheng leh K Lalchhandama te hnenah thuchei hlan a ni bawk.

Week hawnnaah hian sorkar official, tlawmngai pawl, khawtlang hruaitute leh Lunglei College zirlaite an tel a ni.