KHAWTHLIR

Dilna ngaihtuah
Site Allotment Advisory Board chu nimin khan Kolasib DC R Zarzosanga hoin DC conference hall-ah an ṭhukhawm a, in hmun dilna hrang hrangte an ngaihtuah a; sorkar official-te bakah tlawmngai pawl hrang hrang hruaitute leh V/C-te an tel. Meeting-ah hian house pass, periodic patta leh land lease dilnate an ngaihtuah a, dilna lut 203 zingah 21 chu enfiah ṭhat tur leh recommend loh turin an ti a; a bak 182 chu recommend tura tih a ni.

NLUP sem
Commerce & Industries department chuan nimin khan District Industries Centre, Siahaah NLUP ṭanpuina an sem a; an hun hmanpuitu MADC chief executive member N Zakhai chuan, NLUP dawngtute chu an thlan chhan leh sorkar thil tum hre reng turin a chah. Ṭanpuina hi mi 83 hnenah Rs. 2,46,4000 sem a ni.

MChP-in chhuzawm
Mara Chano Py (MChP) chuan Siaha-ah State Bank of India (SBI) branch din belh phûta October 3, 2017 aṭanga SBI, Siaha Branch bulah lungawi lohna an lantir chu nimin khan an chhunzawm. MChP-in lungawi lohna an lantir hi tiam chin awm lo a ni a; nimina lungawi lohna an lantirah hian Siaha SBI-a pisa kai tur leh bank dawr tum zawng zawng an dang a ni.

Heroin man
Mizoram police-a CID (Special Branch) chuan October 2, 2017 zan khan maxicab pakhat aṭangin heroin gram 294.5 an man a, he thila inhnamhnawih nia hriat Vanlalchhana Msha (19) s/o Vanlalthara Msha, Bawngva, Mamit district leh Jemia Apeto (21) s/o Nunzira Apeto, New Eden, Mamit district-te an man nghal. Heroin man hi tualchhunga an hralhna ang chuan cheng nuai 10 vel hû a ni.