Asia chhimchhak ram zingah Dampa-ah kèlrál a tam ber

Mizoram sorkar chuan thuchhuah siamin, Dampa Tiger Reserve chu tun hnaia India leh British zirbing mite'n Asia chhimchhak pumpuiah kèlrál (clouded leopard) bitna ber (population density sang ber) a ni tih an hmu chhuak tih a tarlang.

Sorkar thuchhuah tarlan danin, Zirbingnain a tarlan dan chuan, Dampa Tiger Reserve-a kelral tam lam (population density) chu 5.14 per sq.km. 100 (sq.km. 100-ah kelral 5.14 zel an awm) a ni a; hei hian Asia chhimchhak pumpuia kelral population sang ber record neih mek 3.46 per sq.km. 100 chu a khûm a ni.

Zirbingna hi Dampa Tiger Reserve core area hmarchhak lam sq.km. 80 huam chhungah an ti ber a, camera ṭhahnem tak kamin, hmanraw dangte nen zirbingna hi kalpui a ni. Camera trap hmang hian kèlrál thla vawi 84 lak a ni. Kelral hi Wildlife Protection Act 1972 hnuaia humhalhna sang ber, Schedule-I chhungah a awm a, khawvel pumah pawh ramsa váng leh ngaihhlut a ni mek.

Dampa Tiger Reserve-ah hian ramsa chi hrang hrang - sangha nghar chi chi khat marbled cat, keite, keisen, samang, savawm, chinghnia leh sihalte pawh a awm tih hmuh a ni.