DGP hlui Tumsanga a thi

Mizoram DGP hlui, M Tumsanga, IPS (Rtd.), Model Veng, Aizawl chu nimin chawhma dar 10:45 khan stroke vangin a thi a, vawiinah vui a ni ang. M Tumsanga (77) hi IPS officer, West Bengal cadre a ni a, police officer a nihna anga a hun tam zawk chu West Bengal-ah a hmang a, kum 2004/2005 vel khan Mizoramah Director General of Police-in a awm a ni.

MNF party chuan thuchhuah siamin, MNF party-a adviser M Tumsanga a thi chu a ui thu leh an sûn thu an tarlang a, "A kalsan a nupui, tu leh fate, a chhungte zawng zawng Pathianin thlamuanin awmpui rawh se," an ti.