MPCY-in Lalengmawia chhuang

MPC ṭhalaite chuan thuchhuah siamin, vawiina ṭan tur, India-in Under 17 World Cup Football a thlen turah India team-a Lalengmawia s/o Vanlalnghaka, Vaivakawn a tel chu an chhuan thu an tarlang a, Lalengmawia chu duhsakna sang ber an hlân.

Hetih rual hian MPCY chuan, Congress sorkar chu infiammite duhsakna leh ṭanpuina kawngah kut kuangkuah tlatah an puh a, "India ram state hrang hrangin U-17 world Cup Football khel turte tana a inpeknate ropui kan ti a, a bikin Manipur sorkarin an mi leh sa an duhsak dan chi hrang hrang an pek ṭeuh laia kan tlangval tana sorkar a che chhuak thei lo te, a nu leh pa ngei pawh an fapa inkhel enna tur an inngaihtuahte hi hreawm kan ti a, vanduaithlak kan ti tak zet a ni," an ti.