MNWF-in Zorama an ring tâwk

MNF party-a hmei­chhe pawl, Mizo National Women Front hruai­tute nimina Mizo Hnam Run-a an president K Lalrengpuii kaihhruaia ṭhukhawm chuan resolution an pass a; MNF president Zoramthanga kaihhruaina chu an rin tâwk thu leh a kaih­hruaina hnuaiah kum 2018 MLA inthlana MNF-in sor­karna an chan ngei an rin thu an tarlang.

MNWF resolution chuan, kum eng emaw zat NLUP kalpui tawhah NLUP vanga hlawhtling leh ding chhuak an awm an hriat loh thu a tarlang a, "NLUP hi mipui huapzo ni loin, party bil induhsak biknaah kan ngai a, a hlawhchham hul hualah kan ngai," an ti.

MNWF chuan, sor­karin zu a zawrh avangin hmeithai leh fahrah an pung nia sawiin, police leh civil mi tam tak an thih phah tawh chu rilru nat thlak an tih thu leh sorkar an dem thu an tarlang a; lottery leh Zo Carbon chungchang chu CBI chhuitir ngei an phût thu an tarlang bawk.