Tlawng River Project Observation Day

BJP Mizoram Pradesh chuan nimin khan an pisaah Namami Tlawng River Project Observation Day an hmang a; an president Dr JV Hluna'n kaihruaiin, general secretary B Suanzalanga'n project chungchang a sawifiah.

Namami Tlawng River Project hi Uttar Pradesh-in cheng vbc. 30,000 sênga Namami Ganga River Project an buaipui ang zûlzuia thawh tur a ni. Mizoram BJP chuan sorkar laipuiin ruahmanna siam tura an tih angin, Tlawng lui chu humhalh turin an thlang a, project atan hian DPR siamin, sorkar laipuiah cheng vbc. 6000 an dil mek a ni.

Tlawng River Project-in a huam chin chu km. 234-a sei a ni a, watershed area chu sq.km. 1918 vel a ni. Mizoram BJP chuan, project hi politics ang zawnga thlir lo turin mipui an chah a; Mizoramin a mamawh tui thianghlim hnianghnâr a neih theihna atan leh Tlawng lui bawhhlawh thenfai nante hman tura ruahman a nih angin, Mizoram tan chhenfakawm tak a ni dawn niin an tarlang.