Fai lawmman dawn lawmna nei
UDPA department bultuma district khawpui fai inelnaa pahnihna lawmman Lungleiin a dawn chu nimin khan DC Lalzarmawii'n buatsaihin Lunglei Convention Centre-ah lawm a ni a; Lunglei district-a V/C zawng zawng hnenah chawimawina thuziak hlan a ni.
Lunglei DC chuan, district hrang hrang faina inelnaa pahnihna dinhmun an luah thei chu a kaihhnawih department chauh ni loin, mipuite
thawhrah a nih thu a sawi a, "V/C-te'n an huam chhung mipuite nen rim taka an thawhna a fakawm hle a, hun lo kal leh zel turah pawh tun aia ṭan la a, inelna ah chauh ni lo, kumtluana fai tura rilru thar put a ngai a ni," a ti.
UDPA officer Andrew Lalhruaia chuan, faina inelna atana hmalakna hrang hrang a lem nen a sawifiah a; inelna bika hnatlangah Lunglei district-a mipuiin thâ 30,000 chuang an thawh a, V/C hrang hrangte senso belhkhawm chu Rs. 6,59,400 a ni.