PHE-in lawmman an dawng

Mizoram chuan Swachh Survekshan Grameen 2022 (Thingtlang Fai Endik 2022)-ah India hmarchhak biala state fai ber lawmman pahnihna a dawng a; Wall Painting Competition on Grey Water Management (Tui-chhia sawngbawl dan zirtirna hmanga banga lemziah)-ah lawmman pathumna a dawng bawk.

Thu dawn danin, lawmmante hi Mahatma Gandhi pian champha, October 2, 2022 khan Mizorama Swachh Bharat Mission - Grameen mission director H Duh­kima'n Jal Shakti minis­ter Gajendra Singh Shekha­wat hnen aṭangin New Delhi-a Vigyan Bhawan-ah a dawng a; district hrang hranga bawrhsap te, coordinator-te leh VC president ṭhen­khatte'n an ṭawiawm a ni.

Swachh Survekshan Grameen hi Swachh Bharat Mission - Grameen kal meka faina leh thianghlimna lama hmasawnnain hma lam a pan zel theih nan a nih thu tarlangin PHE department chuan, "Páwn lêra inthiar awm tawh lohna (open defecation free) aṭanga hmasawn lehzualna ODF Plus chawikanna hmanraw chi khat a ni," an ti.