CM hoin AR hmun thar hawn dan tur sawiho a ni

Chief minister Zoram-thanga hoin nimin khan Chief Minister Office conference hall-ah Aizawl khawipui laili aṭanga Assam Rifles insawnna tur, Zokhawsang hawnna inkhawm buatsaih dan tur sawiho a ni. Hmalak ngaite bawhzui turin Inauguration Committee an din a, member turte an ruat nghal.

Assam Rifles hmun thar hawnna tur sawihonaah hian depu­ty chief minister Tawn­luia, Home minister Lalchamliana, Land Revenue & Settlement minister Lalruatkima, Assam Rifles hotu te, Aizawl DC, PWD, Power & Electricity, PHE leh Home department hotute bakah, Aizawl Smart City leh EPIL aiawhte an tel a ni.