Eirawngbawlna gas man bithliah thar

Indian Oil Corporation-in eirawngbawlna gas (LPG) man a bithliah thar avangin Good, Civil Supplies and Consumer Affairs department chuan Mizorama hman tur gas man bithliah thar nimin khan a tichhuak a, October 1, 2022-ah hman ṭan a ni.

Gas man tharah chuan, domestic gas bûr kg. 14.2 chu Vairengteah Rs 1,196 man a ni a, Mizoram hmun dang zawngah Rs 1,205 a ni. Commercial cylinder man chu Vairengteah búr khat Rs 2,260.50 a ni a, hmun dang zawngah Rs 2,278 a ni.

Gas chu delivery point-ah sem a nih chuan a chunga rate tarlan bakah Rs 7.53 belh tur a ni a, home delivery anga lâk a nih chuan bûr khatah Rs 70 chawi belh a ngai. Showroom aṭanga lâk a nih chuan a man pangngai aṭangin Rs 29.26 paih tur a ni thung.