Lungleiah pawl 4 inhmukhawm

Nimin khan Lunglei Venglai V/C House-ah Lungleia ZNP, MPC, Zoram Democratic Front (ZDF) leh Zoram Exodus Movement (ZEM) hruaitute an ṭhukhawm a; an kal zel dan tur leh hmalak san turte an sawiho.

Steering Committee meeting hi Lunglei ZEM vice chairman CS Chawngchhuma'n a kaihruai a; Aizawl lama hruaitute'n hma an lo lak tawh angin, pawl pathumte chu Zoram People's Movement (ZPM) anga kal ni se, an ti. Lungleia ZPM din dan tur leh a kalphung tur chu chawlhkar lo awm leh turah ngaihtuah turin an ti a, pawl palite'n an aiawha ZPM-a hruaitu tur thlangin ruat ni se, an ti a ni.