Dan siamṭhat ngaite sawiho

Mizoram State Law Commi­ssion chu nimin khan an chairman John Siamkunga, MLA hoin a pisaah an ṭhukhawm a, dan siam ṭhat ngai, hman zui ṭul lo leh dan ṭha zawk siam dan tur an sawiho.

John Siamkunga chuan, "Department hrang hrangte'n an dan hman laite zir chiang Ieh zual se, chu chu fel zawka mipui rawng an bàwl theihna atan kawng khat a ni," a ti.

Meeting-a tarlan danin, Mizo­ram sorkar dan siam bikah chuan, dan eng emaw zat hman ṭul tawh lo nuaibo turin Law Commission-in rawtna a siam tawh a, rawtnate chu a kaihhnawih department hrang hrangah thlen a nih tawh.

Dan ennawn leh siamṭhat kawnga hmalakna kal mekte chu State Law Commission chuan enpui zui zel a, Commission rawtnate tihhlawhtlin a ni ngei em tih thlirho tur a ni.

Mi tu pawh, dan siamṭhat, paih leh ennawn chungchanga rawtna nei emaw, ngaihdan emaw siam duhte chuan Mizoram State Law Commission pisa, New Secretariat Complex-ah thehluh theih reng a ni a; rawtna awmze neite chu Commission-in a dawng duh reng a ni.