Mamitah National Wildlife Week hman a ni

Mamit Forest Division bultumin nimin khan Mamit Chhimveng YMA Hall-ah 63rd. National Wildlife Week, 2017 hman a ni a; Mamit additional DC H Lianzela'n a hmanpui.

Inkhawmah hian National Wildlife Week puala painting competition buatsaiha ti ṭhate hnenah lawmman sem a ni a; pakhatna chu Immanuel Lalrawngbawla niin, pahnihna leh pathumna chu Zothanpuia leh Jeffrey VL Nunpuia an ni. Pakhatna aṭanga pathumnate hi Mamit High School zirlai an ni.