Sorkar hnathawk an lungawi kim lo Hlawh thawh tura thutlukna ennawn turin CS ngen dawn

Sorkar hnathawk pawl hrang hrangte inzawm khawmna, Federation of Mizoram Government Employees & Workers (FMGEW) hruaitute nimina an pisaa ṭhukhawm chuan, sorkar hnathawkte hlawh Covid-19 dona atana thawh tura thutlukna awm chu ennawn turin Chief Secretary ngen an rêl.FMGEW hruaitute hnen aṭanga Vanglaini thu dawn danin, May 5, 2020-a Chief Secretary hoa sorkar hnathawk pawl hrang hrangte ṭhukhawmin Covid-19 dona atan kumin May-December chhung thla tin sorkar hnathawk group A, B leh C-te hlawh aṭanga 10% leh group D-te hlawh aṭanga 5% thawh tura thutlukna an siamah an member lungawi chiah lo an awm avangin FMGEW hruaitute chuan nimin khan an ngaihtuah a; thutlukna lo siam tawh chu ennawn turin Chief Secretary an ngen dawn a ni.