ZPM-in hma a sawn chho zel - MPC President

MPC president Lalhmangaiha Sailo chuan, tunlaiin Zoram Peoples' Movement (ZPM)-in nasa takin hma an sawn niin a sawi a, "MNF leh Congress ten sawi­chhiatna tur zawngin nasa takin min bei a, hetianga party lian pahnihin min bei hi ZPM hmasawnzia lantirna niin ka hria," a ti.

Lalhmangaiha Sailo hian nimin khan an party pisaah thu a sawi a; dan loa India rama foreigner pêm luh duh lohna, nation-wide demonstration against illegal migration in India, Delhi Mizo Zirlai Pawl huaihawta New Delhi-a Jantar Mantar-ah October 28, 2017-ah tum a ni chu lawmawm a tih thu leh zirlai pawlin hma an la ta chu sorkar mualphonaa a ngaih thu a sawi.

MPC President chuan, Aizawla lirthei intlàn chhàwktir chu mipui harsatna chhâwktu ber a ni loa sawiin, chumi vanga lirthei 800 vel man a ni chu pawi a tih thu a sawi a; Aizawl zauh leh awm­ze neia hmalak tum si loa mipui phurrit tibelh­chhahtu nia a hriat thu a sawi bawk.