Zirlaite zangnadawmna pe turin sorkar phût

BJP, Mizoram Pradesh chuan thuchhuah siamin, Nalanda Institute of Advance Studies (NIAS), Kolkata-a Mizo zirlai 32 tirh dan­ah thil dik lo tam tak a awm avangin, zirlaite hnenah zangnadawmna pe thuai turin Mizoram sorkar an phût.

Mizoram BJP chuan, February 14, 2017-ah Chief Minister Office-ah Chief Minister, Home Minister, Secretary to CM-te nen an inbiaknaah, NIAS-a Mizo zirlaite chunga thil thleng chhui chian leh zangnadawmna pawh a theih anga ngaihtuah turin an intiam niin an tarlang a; "Zirlai mangang, an hmakhua zawng zawng tihchhiata a awm hi sorkar hian ngaithah loin, a rang thei ang berin zangnadawmna pe ngei turin kan phût tlat a ni," an ti.