Tihluihna a awm dawn lo

May 5, 2020-a Chief Secretary hoa sorkar hnathawk pawl hrang hrangte ṭhukhawmin Covid-19 dona atana kumin May-December chhung sorkar hnathawk group A, B leh C-te hlawh aṭanga 10% leh group D-te hlawh aṭanga 5% thawh tura tihah intihluihna a awm dawn lo nia thu dawn a ni.

Sorkar hotute hnen aṭanga Vanglaini thu dawn danin, sorkar hnathawkte'n an hlawh an thawh leh thawh loh chu mimal zalenna a ni. Ruahmanna la tihfel ni lo mah se, sorkar hnathawk zinga Covid-19 dona atana an basic pay aṭanga sum thawh duhte chu an account-a an hlawh thun a nih hmain pawh hêk sak a ni ang a; thawh duh lote chu an hlawh buaipuitute hnenah an hriattir mai tura tih a nih a rinawm.

An hlawh aṭanga Covid-19 dona atana thawh remtite chuan an remtihna ziaka lak vek tur a ni.