Niminah mi pahnih endik a ni

Zoram Medical College (ZMC) Covid-19 Testing Laboratory-ah nimin khan mi pahnihte swab sample endik a ni a, he thu ziah lai hian result hriat hman a ni lo. Mi pakhat chu State Referral Hospital-a enkawl lai a ni a, pakhat dang chu Lawngtlai lam aṭanga thawn a ni.

State Referral Hospital-a thawn mi pakhat chu hripui a kai lo tih finfiah a nih tawh avangin chhuahtir a ni a; ward danga admit damlo pathum pawh chhuahtir an ni bawk.

ZMC-SRH Bulletin chuan, Rev. VL Hruaia chu ICU-ah la awmtir zel ni mah se, ṭhat lam a pan zel tih a tarlang a, "Tun hnaia a thisen endik chi hrang hrang result pawh a pangngai (normal) vek tawh a, dam taka a chhuah thuai theih beisei a ni," a ti