Ni chu ni, ni lo chu ni lo, tih ngam tur - R Lalzirliana

Power & Electricty department hotute chu nimin khan an minister R Lalzirliana hoin P&E Engineer-in-Chief pisa conference room-ah an ṭhukhawm a; R Lalzirliana chuan, engineer-te ni chu ni, ni lo chu ni lo ti ngam turin a chah.

R Lalzirliana chuan, engineer-te chu lehkhathiam filawr an nih thu sawiin, "In thiamna hi in hnathawha lang chhuak ngei ngei tura beisei in ni. Inlungrualna hnuaiah chauh thawhhona ṭha a awm ṭhin a, thil reng rengah ni chu ni, ni lo chu ni lo tih ngam zel a pawimawh," a ti.

Democracy ramah banpui pathum - legislative, executive leh judiciary an awm tih sawiin P&E Minister chuan, "Heng pathumte hi an ṭangho tlat reng tur a ni," a ti a; mipui thlan lalte chu sorkar hnathawkte'n zahder thiam a, an thu ngaihchân thiam a pawimawh thu a sawi.