Salvation Army hotu a rawn zin dawn

Khawvela Salvation Army hotu lu ber General Brian Peddie chu January 30, 2023 khian Mizoramah a rawn zin dawn a, Aizawla neih tur Territorial Congress 2023 a hmanpui dawn.

General Visit & Territorial Congress, 2023 Communication & Documentation Sub Council hruaitute chuan Gen. Brian Peddie rawn zin tur chungchangah nimin khan Aizawl Press Club-ah thuthar thehdarhtute an kâwm. An sawi danin, General hi January 30, 2023-ah a rawn zin ang a, chawlhkar khat a chàm hnuah February 6-ah a haw ang.

Gen. Brian Peddie hian a thlen tukah thuthar thehdarhtute a kawm dawn bakah, Chief Minister buatsaih zanriah a kîl dawn a; a hun tam ber chu Territorial Congress-ah a hmang dawn a ni.