Flower Show cum Fair buatsaih

Mizoram Florists’ Association (MFA) chuan an kum 25 tlin lawmna pualin nimin khan Aijal Club Park-ah Silver Juibilee Flower Show cum Fair an buatsaih a, deputy chief minister Tawnluia'n hmanpuiin, jubilee lawmpui nan Rs 20,000 a pe.

Tawnluia chuan, MFA chu jubilee hlim taka hmang turin duhsakna a hlan a, "Sorkarin mipui dinhmun chawikanna tura hmalakna a neih mek SEDP-ah pangpar chìn leh zawrh kawnga eizawnna ngêlnghet siam hi a tel," a ti.

Mizorama mi ngei pangpar chi hman ni se, loh theih lohah chauh state pawn aṭanga lak luh ni se - tia MFA hmalakna chu lawmawm a tih thu sawiin Tawnluia chuan, "Ram hmangaihtu rilru a ni. He pawl hmalakna hi ram ṭhan zelna leh hmasawnnain a ken tel pawimawh tak a ni," a ti a, theihtawp chhuah zel turin a chah.

Flower Show cum Fair hi October 8, 2022 thleng neih tur a ni a; MFA hian kum 1998-ah pawl danpui nei ṭanin general assembly hmasa ber an nei a, jubilee lawmna pui ber chu November thlaah hman an tum a ni.