Mizoram FSL-in 2021-22 chhungin Thubuai 990-ah thil 7,546 an endik

Mizoram Forensic Science Laboratory (FSL) chuan sorkar kum 2021-22 chhung khan thubuai 990-ah thil chi hrang hrang 7,546 an endik a, thubuai zingah damdawi ruih theih kaihhnawih a tam ber.

Directorate of FSL-in Annual Report 2021-22 a tih chhuaha a lan danin, FSL hian thubuai an khawih zingah Aizawl district-a mi a tam ber a, thubuai an khawih zawng zawng 990 aṭangin 707 (71.41%) a tling.

Thubuai 990 zinga 387 chu damdawi ruih theih kaihhnawih, Narcotic Drugs and Psychotropic Substances (NDPS) thubuai a ni a; zu kaihhnawihah 359, túr lam chi 45, rûkrûk thubuai 37, silai leh a mu lam chi 35, thih dan pangngai loa thi 26, tualthahna 19, pawngsual 16 leh naupang chunga hleilenna 14-te chu a langsar zual a ni.

FSL hian kum 2000-01 aṭanga 2021-22 chhungin thubuai 11,678 aṭangin thil chi hrang hrang 1,22,302 an endik tawh a ni.