AMC-in Aizawl an phuh thianghlim ṭhin

Aizawl Municipal Corporation (AMC) chuan Aizawl khawpuia vantlang hmun lûn lai leh pisa ṭhenkhat, pawimawh zualte damdawi (disinfectant) hmangin an phuh thianghlim ṭhin a, an la ti mek zel.

AMC hotute tarlan­ dan­in, AMC hian Covid­-19 hri léng vanga inkhàr­khip ṭan tirh aṭang­in hydrogen peroxide leh bleaching powder hmangtein Aizawla van­tlang hmun pawimawh phuh thianghlim hna an kalpui a, ṭum nga an thawk chhuak tawh a ni.

AMC hnuaia bawlh­hlawh khawn/phur ṭhin driver leh handyman zawng zawngte chu an mamawh tâwk angin AMC chuan PPE an pe ṭhin a; PPE-te chu Women Polytechnic, Aizawlin an ṭhuisak a ni. Inkharkhip ṭan tirh lamah bawlhhlawh khawn ṭhinte chu gum boot, hmai tuamna leh kut­kawrte an lo pe tawh bawk.

Mizoram sorkarin quarantine centre a siam 10-a bawlhhlawhte pawh AMC chuan an la khawm ṭhin a, chu'ng bawlhhlawhte chu bawlh­hlawh dang (domestic waste) ang loin, fimkhur leh uluk zawka senghawi ṭhin a ni.