AR sawn chhuak thei loah sorkar puh

Peoples' Conference party chuan thuchhuah siamin, MNF kaihhruai sorkar chu Assam Rifles-te Aizawl khawpui laili aṭanga sawn chhuak thei loah an puh a, an dem thu an tarlang.

PC party chuan, "Congress leh MNF party-te'n Aizawl khawpui aṭanga Assam Rifles sawn chhuah an intiam ṭhinnate kum 35 an insorkar chhâwk chhung pawha a taka tihhlawhtlinna an nei si lo hian sawn chhuah tumna tak tak an neih lohzia a tilang chiang hleah kan ngai," an ti.

Kum 35 liam taa Brig. T Sailo kaihhruai PC sorkar in, Aizawl khawpui aṭanga AR-te sawn chhuahna turin Zokhawsangah hmun an ruahman vek tawh tih sawiin PC party chuan, "Tun thlenga AR-te sawn chhuak thei lo sorkar kan la hrawn fo hi thanatthlak kan ti tawh tak zet," an ti bawk.